LANG: EN Cy
Cymru ar y Beic
Cyrsiau

Mae nifer o’r mentrau hyn yn derbyn arian gan Lywodraeth Cymru. Medrwch gael rhagor o wybodaeth drwy gysylltu â’r darparwyr a restrir isod.

Biker Down! Cymru

Cwrs 3-4 awr am ddim yw Biker Down! Cymru ar gyfer beicwyr sydd eisiau gwella’u gwybodaeth ac ehangu eu profiad o ran ymdrin â digwyddiadau neu wrthdrawiadau a allai fod angen cymorth cyntaf wrth ochr y ffordd.  

Mae’r cwrs yn cynnwys tri modiwl:

• Rheoli Lleoliad Damwain
• Cymorth Cyntaf
• Y Wyddoniaeth o Gael eich Gweld

Dyddiadau'r Cyrsiau:
- Gogledd Cymru
- Powys
- Sir Benfro
- Sir Gâr

Biker Down! Cymru Facebook yma.

BikeSafe

Prosiect beicio modur a arweinir gan yr heddlu yw BikeSafe ac mae’n cael ei redeg gan y rhan fwyaf o heddluoedd yn y DU. Y prif nod yw lleihau nifer y beicwyr sy’n cael eu hanafu ar y ffyrdd. Dylai beicio fod yn hwyl, a thrwy wella sgiliau, gwybodaeth, ac ymwybyddiaeth am beryglon, y gobaith yw y bydd yn gwneud beicio modur yn fwy diogel ac yn fwy pleserus.

Mae’r gweithdy Beicio Diogel yn archwilio i’r prif beryglon rydych chi fel beiciwr yn eu hwynebu. Drwy gynnig cyflwyniadau a theithiau sy’n cael eu goruchwylio, bydd gweithdy Beicio Diogel yn eich helpu chi i ddarganfod eich cryfderau a’ch gwendidau. Bydd hefyd yn eich cynorthwyo i wybod beth ddylech wneud nesaf er mwyn cael mwy allan o’ch beic modur.

Dyddiadau'r Cyrsiau yma

DVSA CYNLLUNIAU BEICWYR UWCH

Dragon Rider

Mae’r cwrs fel arfer yn cael ei gynnal ar benwythnos, ac mae’n para diwrnod. Mae’n cynnwys sesiwn mewn dosbarth yn y bore sy’n cael ei gynnal mewn gorsaf Tân ac Achub ddynodedig. Bydd sesiwn y prynhawn yn cael ei chynnal ar y ffordd, gan ddefnyddio amryw o ffyrdd ledled y rhanbarth i fodloni hyfforddiant beicio modur y beiciwr unigol, yn seiliedig ar ganllaw beiciwr heddlu uwch, Roadcraft.

Dyddiadau'r Cyrsiau:
- Castell-nedd Port Talbot
- Sir Benfro
- Sir Gâr

Cynllun Gwella Beicwyr Modur Ceredigion

Mae Cynllun Gwella Beicwyr Modur Ceredigion yn cynnig hyfforddiant i feicwyr modur sy’n byw yng Ngheredigion, ac mae’n cynnwys theori a hyfforddiant ymarferol. Cynhelir cyrsiau ar benwythnosau yn swyddfeydd y Cyngor Sir yn Aberaeron.

Cyrsiau 2025
5 Ebrill
2 Mai
7 Mehefin
5 Gorffennaf
20 Awst
9 Medi

Cysylltwch â hpw@ceredigion.gov.uk i archebu cwrs.

Cynllun Gwella Beicwyr Modur Powys

Gwahoddir beicwyr modur i ymuno â chwrs hyfforddi uwch am ddim i feicwyr i helpu i wella eu sgiliau gyrru beic a diogelwch ffyrdd Powys.

Mae'r cwrs yn cynnwys sesiwn theori fer ar-lein a sesiwn ymarferol hanner diwrnod ar y ffordd (ar benwythnos) gyda hyfforddwr profiadol. Nid oes prawf, ond asesir sgiliau gyrru beic, a rhoddir hyfforddiant priodol i bob cyfranogwr a fydd, gobeithio, yn derbyn tystysgrif cymhwysedd DVSA ar ôl cwblhau'r cynllun.

Cysylltwch â ni i gadw eich lleoedd cyn gynted â phosibl: 01597 826924 neu miranda.capecchi1@powys.gov.uk.

Dyddiadau'r Cyrsiau yma

BEICIO MODUR UWCH

Bydd hyfforddiant beicio modur uwch yn eich dysgu am systemau diogel o feicio modur bwriadol, cyfrifol a champus. Hefyd, gall arwain at gymhwyster beicio modur uwch a gydnabyddir yn genedlaethol. P’un a ydych eisiau gwella’ch sgiliau neu baratoi ar gyfer prawf gyrru uwch, efallai gall y sefydliadau canlynol eich helpu:

- IAM RoadSmart
- RoADAR
- DIAmond Advanced Motorists 

LOTERI

Os ydych chi wedi cymryd rhan mewn un o'r cyrsiau hyn yng Nghymru, mae eich adborth yn bwysig.

Rydym yn eich gwahodd i gwblhau'r arolwg isod ac i gael eich cofrestru mewn loteri sy'n rhoi cyfle i ennill £250 gan Diogelwch Ffyrdd Cymru.

Arolwg a Loteri

edrychwch ar y tudalennau hyn...

Prif Awgrymiadau

I rai ohonom, mae'r tymor beicio ar fin cyrraedd gyda llawer o beiriannau'n cael eu deffro ar gyfer y misoedd cynhesach, sychach. Sicrhewch fod eich beic yn barod a sicrhewch ei fod yn gweithio ac yn gyfreithlon.
I rai ohonom, mae'r tymor beicio ar fin cyrraedd gyda llawer o beiriannau'n cael eu deffro ar gyfer y misoedd cynhesach, sychach. Sicrhewch fod eich beic yn barod a sicrhewch ei fod yn gweithio ac yn gyfreithlon.

Paratowch eich hun

Mae reidio beic modur yn llawer mwy o waith corfforol a meddyliol na gyrru car ac mae angen llawer mwy o ganolbwyntio. Mae bod yn feiciwr da yn golygu paratoi. Eich beic....... a CHI.
Mae reidio beic modur yn llawer mwy o waith corfforol a meddyliol na gyrru car ac mae angen llawer mwy o ganolbwyntio. Mae bod yn feiciwr da yn golygu paratoi. Eich beic....... a CHI.

Cyrsiau

Nid yn unig y mae bod ar ddwy olwyn yn peri i feicwyr modur fod yn fwy diamddiffyn na modurwyr eraill, ond mae'n fwy heriol yn gorfforol ac yn feddyliol na gyrru car.
Nid yn unig y mae bod ar ddwy olwyn yn peri i feicwyr modur fod yn fwy diamddiffyn na modurwyr eraill, ond mae'n fwy heriol yn gorfforol ac yn feddyliol na gyrru car.
Cwestiynau Cyffredin / Polisïau / Cwcis / Hygyrchedd
Cysylltiadau Cyflym
Polisïau
Fe'i datblygwyd mewn Umbraco gan writemedia